Kompania e gjigantit të kërkimit në internet Google ka nisur ofensivën në masë të gjerë duke synuar të pushtojë pothuajse të gjitha kategoritë e konsumatorëve të elektronikës. Pas prezantimit të suksesshëm në treg të eBooks dhe smartphone-it të ri Nexus me Android 2.3, kompania po bëhet gati të hedhë në treg sistemin operativ të saj Chrome OS dhe lap-topin, që sot është prototip me emrin Big G.
Lap-topi do të jetë edhe kompjuteri i parë në botë që nuk do ketë hard disk, sistemi operativ do jetë Chrome OS i instaluar në një "Room" e për pasojë i pamodifikueshëm nga përdoruesit, që thënë ndryshe nuk do të vuajë nga viruset. Kompjuteri i parë ka emrin e koduar CR-48, një ekran 12 inç, tastierë të plotë dhe me prekje në ekran, ofron lidhjet 3G e wifi N, kamera të trupëzuar dhe 8 orë pavarësi të baterisë në statusin stand-by.
Aktualisht kompania po e shpërndan falas për përdoruesit në Shtetet e Bashkuara pasi është në fazën e parë të testimeve dhe kërkesat pranohen deri në 21 Dhjetor. Besohet se produkti do të dalë për tregun e gjerë në mesin e vitit të ardhshëm në bashkëpunim me prodhuesit e gjysmëpërçuesve, Acer dhe Samsung si dhe me procesorë të Intel.
No comments:
Post a Comment