Microsoft edhe zyrtarisht tha që Internet
Explorer 9 ishte shkarkuar 2.35 milionë herë gjatë 24 orëve të para të
gatishmërisë së vet për publikun - një shenjë që ky softuer do të mund
të rikthente mbizotërimin e ndërmarrjes Microsoft në tregun e
shfletuesëve.
“Ne duam që të falenederojmë secilin nga tërë bota që
shkarkuan IE9 dhe pritjen ngazëllyese,” tha Ryan Gavin, udhëheqësi
senior për Internet Explorer, në një postim në blog të mërkurën. “2.3
milionë shkarkime në 24 orë është më shumë se dyfishi i një milionë
shkarkimeve që pamë për IE9 RC për të njëjtën kohë,” tha Gavin, duke iu
referuar versionin release candidate të shfletuesit.
IE9 ka një
varg përmirësimesh në krahasim me versionin e kaluar, duke përfshirë
mbështetjen për përshpejtim harduerik, një ndërfaqe të stërholluar, një
përshtatshmëri të plotë me kushtet e uebit si HTML5 dhe kontrollime më
të mira për privatësi. “Përqendrimi ynë me IE9 ka qenë krijimi i
platformës për klasën e ardhshme të përvojës në ueb të ndërtuar rreth
HTML5 dhe ndërhyrja në fuqinë e tërë kompjuterit,” tha Ziad Ismail,
udhëheqësi i menaxhmentit të prodhimit për grupin Explorer, në një
deklaratë.
Me IE9, përdoruesit do të gjejnë një dizajnë që është
me më pak shirita dhe ikona. Derisa shumica e veçorive të versioneve të
kaluara janë ende të pranishme, shumë janë rregulluar që të bëjnë
shfletuesin më të theksuar në paraqitjen e përmbajtjes së uebit, më
tepër se ndërfaqen e vetë shfletuesit.
a mundem ta instaloj ne windows xp
ReplyDelete